«KELAJAK INTERNET TELERADIOKOMPANIYASI»

O‘zbekiston milliy terma jamoasi sardori Odil Ahmedov markaziy himoyada o‘ynayotgani haqidagi savolga javob berdi. — Saudiya Arabistoniga qarshi juda muhim o‘yin bo‘lib o‘tadi. Muxlislarga murojaatim — stadionga kelinglar va bizni qo‘llab-quvvatlanglar. — Vadim Abramov sizni yana himoyaga qaytardi. Bundan o‘zingizni noqulay his qilmayapsizmi?— Yo‘q, markaziy himoyada o‘ynab, o‘zimni noqulay his qilganim yo‘q. Chunki bu pozitsiyada birinchi marta o‘ynamayapman. Avval ham o‘ynaganman. Hammasi joyida, — dedi Odil Ahmedov. Eslatib o‘tamiz, 2011 yilda Qatarda bo‘lib o‘tgan Osiyo chempionatida Odil Ahmedov markaziy himoyachi […]

«Rostov» klubida moliyaviy muammolar yuzaga kelgan, klub qishki transfer oynasi vaqtida bir qator futbolchilarni sotuvga qo‘yishi mumkin, deya xabar bermoqda Rossiyaning «Sport-Ekspress» nashri. «Valeriy Karpin qo‘l ostidagi «Rostov» jamoasi oktabr va noyabr oylaridagi o‘yinlarni muvaffaqiyatsiz o‘tkazdi. Klubdagi moliyaviy muammolarga barham berilmayapti. Klubning futbolchilar oldidagi oylik maoshlar va mukofot pullari bo‘yicha qarzdorlik holati 3 oyga yetgan. Bu ham jamoaning natijalariga salbiy ta’sir o‘tkazmay qo‘ymaydi. Klub rahbariyati moliyaviy muammolarni bartaraf etish uchun homiylar va Rostov viloyati gubernatori Vasiliy Golubevning vaziyatga aralashuvini kutmoqda. […]

BAAning Dubay shahrida davom etayotgan para-atletika bo‘yicha jahon chempionati o‘zining qizg‘in pallasiga kirib bormoqda. Bu vaqtda O‘zbekiston terma jamoasining yana ikki nafar vakili — Temurbek G‘iyozov hamda Husniddin Norbekov JCh medali qatori kelasi yil Tokioda bo‘lib o‘tadigan Paralimpiya o‘yinlari yo‘llanmasini naqd qildi. Milliy olimpiya qo‘mitasi xabariga ko‘ra, balandlikka sakrash bo‘yicha T64 toifasida Temurbek 1.99 metr natija bilan jahon chempionatining kumush medaliga sazovor bo‘ldi. Husniddin Norbekov esa yadro uloqtirish bo‘yicha F35 klassida 17.32 metr natija qayd etib, o‘ziga tegishli bo‘lgan jahon rekordini yangiladi. […]

Futbol bo‘yicha Italiya A Seriyasining 12-turidan o‘rin olgan markaziy uchrashuv yakuniga yetdi. Turinda “Yuventus” “Milan”ni qabul qilib, Paulo Dibalaning 77-daqiqada kiritgan yagona goli evaziga uch ochkoli bo‘ldi. Ushbu g‘alabadan so‘ng turinliklarning ochkosi 32 taga yetdi va jamoa 31 ochkoga “Inter”ni quvib o‘tib yana A Seriya peshqadamiga aylandi. Milanliklar esa 13 ochko bilan 14-o‘rinni band etib turibdi. Manba:Daryo.uz

Tunda boks bo‘yicha O‘zbekiston terma jamoasi Kubaning Gavana shahriga yo‘l oldi. Bu haqda Milliy  Olimpiya qo‘mitasi matbuot xizmati xabar berib o‘tdi. Terma jamoamiz ushbu shaharda 18 noyabrga qadar o‘quv-mashg‘ulot yig‘inini o‘tkazishadi. Mazkur yig‘in Kuba terma jamoasi bilan o‘tkazilishi rejalashtirilgan bo‘lib, unda bokschilarimiz mezbonlar bilan o‘tkaziladigan sparring janglari orqali o‘z tayyorgarliklarini yana bir karra yuqori bosqichga olib chiqishlari mumkin.