«KELAJAK INTERNET TELERADIOKOMPANIYASI»

Ўзбекистон марказий деҳқон бозорларидаги айрим озиқ-овқат маҳсулотлари нархи маълум қилинди

Давлат статистика қўмитаси Ўзбекистон ҳудудларидаги марказий деҳқон бозорларида 6 октябрь куни кузатув ўтказиб, алоҳида турдаги озиқ-овқат маҳсулотларининг минимал-максимал нархларини келтирди. Унда фақатгина деҳқон бозорлари ҳудудидаги озиқ-овқат маҳсулотлари нархлари ҳисобга олинган. Супермаркет, минимаркет, дўконлардаги нархлар инобатга олинмаган.

Фото: «Дарё»

Мол гўшти (суяксиз гўштидан ташқари) 45 000 сўмдан 68 000 сўмгача (килограмм)

Кузатув натижасига кўра, 1 килограмм мол гўштининг (суяксиз гўштидан ташқари) минимал нархи Нукус шаҳрининг «Нукус деҳқон бозори», Урганч шаҳрининг «Урганч марказий деҳқон бозори», Тошкент шаҳрининг «Эски жўва деҳқон бозори», «Фарҳод деҳқон бозори» ва «Қўйлиқ деҳқон бозори»даги арзонлаштирилган гўшт расталарида қайд этилган (45 000 сўм). Мол гўштининг максимал нархи эса Тошкент шаҳрининг «Олой деҳқон бозори» ва «Миробод деҳқон бозори»даги хусусий тадбиркорлик расталарида кузатилди (68 000 сўм).

Қўй гўшти 45 000 сўмдан 85 000 сўмгача (килограмм)

Қўй гўштининг минимал нархи Тошкент шаҳрининг «Фарҳод деҳқон бозори»да (45 000 сўм) рўйхатга олинган. Максимал нархи эса Тошкент шаҳрининг «Олой деҳқон бозори» ва «Миробод деҳқон бозори»да (85 000 сўм) кузатилди.

Картошка 2 200 сўмдан 7 000 сўмгача (килограмм)

Тошкент шаҳрининг «Қўйлиқ деҳқон бозори»да сотувдаги йирик бўлмаган картошканинг нархи минимал нарх сифатида (2 200 сўм) қайд этилган. Шу билан бирга, Тошкент шаҳрининг «Олой деҳқон бозори»да сотувдаги сараланган картошканинг нархи максимал нарх сифатида (7 000 сўм) қайд этилди.

Пиёз 800 сўмдан 3 500 сўмгача (килограмм)

Пиёзнинг минимал нархи Тошкент шаҳрининг «Миробод деҳқон бозори»да (800 сўм) рўйхатга олинди. Максимал нарх сифатида эса Тошкент шаҳрининг «Миробод деҳқон бозори» ва «Олой деҳқон бозори»да сотувда бўлган сараланган пиёзнинг нархи кузатилди (3 500 сўм).

Сабзи 1 200 сўмдан 5 000 сўмгача (килограмм)

Сабзининг минимал нархи Чирчиқ шаҳрининг «Чирчиқ деҳқон бозори»да (1 200 сўм) қайд этилган. Шу билан бирга, Тошкент шаҳрининг «Миробод деҳқон бозори» ва «Олой деҳқон бозори»да сотувда бўлган тозаланган ва сараланган сабзининг нархи максимал нарх сифатида (5 000 сўм) қайд этилди.

Тухум 8 000 сўмдан 15 000 сўмгача (10 дона)

Андижон шаҳрининг «Андижон шаҳар марказий деҳқон бозори»да арзонлаштирилган тухум расталаридаги майда тухумнинг нархи минимал нарх сифатида қайд этилди (8 000 сўм). Максимал нарх эса Тошкент шаҳрининг «Олой деҳқон бозори», «Фарҳод деҳқон бозори» ва «Миробод деҳқон бозори»да қайд этилган (15 000 сўм).

Гуруч 5 500 сўмдан 19 000 сўмгача (килограмм)

Кузатув натижаларига кўра, гуручнинг минимал нархи Нукус шаҳрининг «Нукус деҳқон бозори»да («Нукус 2» навли гуруч 5 500 сўм) қайд этилган. Максимал нарх эса Тошкент шаҳрининг «Миробод деҳқон бозори»да кузатилди («Лазер» навли гуруч 19 000 сўм).

Ўсимлик ёғи 11 000 сўмдан 17 000 сўмгача (литр)

Ўсимлик ёғининг минимал нархи Қарши шаҳрининг «Қарши деҳқон озиқ-овқат бозори», Навоий шаҳрининг «Саховат бозори», Наманган шаҳрининг «Наманган чорсу деҳқон универсал бозори», Термиз шаҳрининг «Термиз шаҳар деҳқон озиқ-овқат бозори» ва «Марказий деҳқон озиқ-овқат бозори», Тошкент шаҳрининг «Эски жўва деҳқон бозори», «Фарҳод деҳқон бозори», «Қўйлиқ деҳқон бозори» ва «Миробод деҳқон бозори»да (маҳаллий пахта ёғи 11 000 сўм) кузатилди. Максимал нархи эса Тошкент шаҳрининг «Олой деҳқон бозори»да (кунгабоқар ёғи 17 000 сўм) кузатилди.

Шакар 5 800 сўмдан 8 500 сўмгача (килограмм)

Шакарнинг минимал нархи Тошкент шаҳрининг «Эски жўва деҳқон бозори», «Фарҳод деҳқон бозори», «Қўйлиқ деҳқон бозори» ва «Миробод деҳқон бозори»да (5 800 сўм) қайд этилди. Максимал нархи эса Тошкент шаҳрининг «Олой деҳқон бозори»да (8 500 сўм) кузатилди.

Manba: Daryo.uz

Comments are closed.