«KELAJAK INTERNET TELERADIOKOMPANIYASI»

Австралияда ўрмон ёнғинлари туфайли 30 минг сайёҳ эвакуация қилинди

Австралия жанубида ўрмон ёнғинлари туфайли деярли 30 минг сайёҳ эвакуация қилинди. Бу ҳақда ТАСС ахборот агентлиги хабар берди. 

Сайёҳлар Мельбурндан 250 км шарқда жойлашган Жипсленд вилоятида бўлганлар. Шунингдек, Фернелл, Тамбун ва Жанубий Тамбун шаҳарлари аҳолисига ўз уйларини тарк этишга тўғри келган.

Виктория штатида 16 та катта кўламли ёнғин қайд қилинган. Об-ҳаво мутахассисларининг таъкидлашича, об-ҳаво шароити вазиятни янада мураккаблаштиради.

Кўплаб шаҳарларда 40 даражали ҳарорат ўрнатилади, 31 декабрда эса шамол кучайиб, ўз йўналишини ўзгартиради. 

Австралияда табиий ёнғинлар октябрь ўртасидан бери давом этмоқда. Ёнғинлар 8 кишининг, жумладан икки қутқарувчининг ўлимига олиб келган, 30 дан кўпроқ киши жароҳат олган.

Manba: kun.uz

Comments are closed.