«KELAJAK INTERNET TELERADIOKOMPANIYASI»

Xiaomi эгаси ортидан ўзи юрувчи чамадон ишлаб чиқди

Xiaomi компанияси Cowarobot билан ҳамкорликда ўзининг илк ўзи бошқарилувчи чамадонини ишлаб чиқди. Янги гаджет нафақат эгаси ортидан юра олади, балки қизиқарли функциялар билан ҳам таъминланган.  

Қурилма сиғими 31 литрни ташкил қилувчи стандарт чамадонлар каби бўлиб, унинг ғилдираклари ва тортиб чиқарилувчи тутқичи бор. Ўлчамлари 555 х 384 х 200 ммни, оғирлиги 4,5 кгни ташкил қилади. 

Тутқичга камера ўрнатилган бўлиб, у юзларни таниш функцияси билан жиҳозланган. Чамадон ҳаракатланиши учун унинг эгаси юзини камерада сканерлаши лозим. Гаджет ушбу камера ёрдамида, шунингдек, мўлжал олади.

Қурилма ғилдиракчаларидаги 4 мотор билан ҳаракатга келтирилади. У машинавий ўқитиш ҳисобига тўсиқлар ва одамларни четлаб ўта олади. Чамадон 92 Вт-соатлик аккумулятордан қувватланади.

Манба: Кун.уз

Comments are closed.