“Manchester Siti” “Bavariya”ning 80 million yevrolik taklifini rad etdi

“Manchester Siti” jamoa yarim himoyachi Leroy Sane bo‘yicha kelib tushgan navbatdagi taklifni rad etdi. Bu haqda The Guardian xabar berdi.

“Bavariya” o‘yinchi uchun 80 million yevro to‘lashga tayyor edi, biroq “shaharliklar” rad javobini berdi.

Ayni damda Germaniya klubi bundan-da yaxshiroq taklif bilan chiqadimi yoki yo‘q hali noma’lum.

Avvalroq “Manchester Siti” 23 yoshli futbolchini jamoada olib qolishni xohlayotgani, biroq bosh murabbiy Pep Gvardiola uning ketishiga qarshi emasligi haqida xabar berilgandi.

Eslatib o‘tamiz, Sane yakuniga yetgan mavsumda Angliya chempionatida 31 ta bahsda maydonga tushib, 10 ta gol urdi va 11 ta golli pas berdi.

O‘xshash maqolalar

FIKR BILDIRISH

E-pochta manzilingiz chop etilmaydi. Majburiy ma'lumotlar * bilan belgilangan